Презентацијата се одржа во пријатната атмосфера на книжарницата „Vino a por letras“ во Гетафе, каде што пред присутните, авторот ги сподели деталите зад создавањето на неговата книга, како и личните и општествените случувања кои го инспирирале. За време на својата презентација, Коцев ја нагласи важноста од претставувањето на мaкедонската литература надвор од нејзините граници, зајакнувајќи ги на тој начин културните врски меѓу Македонија и Шпанија.

Еден од најважните моменти на настанот беше презентацијата на шпанската едиција на неговата книга, со превод на Марко Видал Гонзалез, кој беше одговорен за адаптацијата на оригиналниот текст, почитувајќи ја суштината и стилот на авторот. Благодарение на ова дело, книгата сега ќе биде достапна и за шпанската публика.

„Две мориња“е поетска збирка која раѓа сопствен универзум преку зборови. Книгата е поделена на две тематски целини – „Море од невидливи нишки“ и „Море умор“. Во првиот дел, Коцев ги истражува неизвесноста и беспомошноста предизвикани од глобалните настани како пандемијата и војната, додека во вториот дел се впушта во интимно патување низ сопствената свест за минливоста и љубовта која преобразува.

Коцев е автор на пет поетски книги: „Јас, Квентин Скриблер“(2015), „Напишана тишина“ (2016), „Сега е најдолгото никогаш“ (2018), „Музеј на чувствата“ (2019) и „Две мориња“ (2023).

Добитник е на наградите „Енхалон“ на Струшките вечери на поезијата (2017) и наградата „Бели мугри“ (2019) доделена од Културниот центар Кочо Рацин во Скопје (2019).

Учесник е на разни поетски фестивали, како на национално, така и на меѓународно ниво, зацврстувајќи го своето присуство на современата поетска сцена.

Коцев е член на Европската поетска мрежа Версополис, платформа која ги промовира поетите во подем низ целиот континент. Неговите дела се објавени во литературни списанија и антологии и во Македонија и во странство, што ја одразува релевантноста на неговиот поетски глас.

Поетското читање заврши со разговор со публиката, каде што присутните имаа можност директно да комуницираат со авторот. Вечерта се сметаше за успешна и го потврдува растечкиот интерес за Македонската литература во Шпанија.

Со вакви иницијативи, Јосип Коцев продолжува да се етаблира како еден од водечките современи македонски поети, носејќи го културното богатство на Македонија на меѓународната сцена.

‍