На 30 октомври 2025 година, во Националниот музички аудиторум во Мадрид, македонскиот пијанист Симон Трпчески одржа концерт кој ја воодушеви публиката.

Настанот беше организиран од Иберомузика (Iberomusica), реномирана европска куќа за промоција на класичната музика, со долга традиција во претставување на врнвни музички уметници во Шпанија.

Од првиот акорд, уметникот ја откри својата интерпретација исполнета со чувствителност, техничка прецизност и длабока поврзаност со секое дело од програмата. Неговата виртуозност ја воодушеви мадридската публика, која го поздрави со бурен аплауз.

Тоа беше вечер во која музиката градеше мостови, а македонскиот талент блескаше во културното срце на Шпанија.

Симон Трпчески е македонски пијанист меѓународно признаен по својата блескава техника, изразна музикалност и сценски карактер. Роден во 1979 година во Македонија, настапувал со некои од најпрестижните оркестри во светот, како на пример лондонскиот симфониски оркестар, оркестарот на Кливленд, Симфонијата на Сан Франциско, под водство на реномирани диригенти. Неговиот репертоар е богат, опфаќајќи го големиот романтизам — Рахманинов, Чајковски, Шопен — како и современа музика и дела од балкански композитори, кои често ги изведува и промовира.

Трпчески е исто така познат по својата непосредност со публиката и својата посветеност на промоцијата на македонската култура. Покрај својата солистичка кариера, има реализирано проекти за камерна музика и едукативни програми. Неговата дискографија е високо пофалена, добивајќи награди и одлични меѓународни критики.

‍